Trump: Nunasisut inuusuttut pillugit isumaqatigiissuteqartoqanngilaq

Inuusuttut USA-mut nunasisut anisinneqannginnissaat pillugu USA-p præsidentiata Donald Trumpip Demokraatit isumaqatigiissusiorfigisimannginnerarpai.
Assi © : AP/RITZAU
Allattoq Ritzau
septembarip 14-at 2017 09:34
Nutserisoq Ane-Marie Petersen

USA-mut unioqqutitsillutik nunasisut qitornaat pineqarput, taakkulu USA-p killingani sillimaniarnermut unioqqutitsisuunersut apeqqutaasoq Trumpip oqaatigaa. Demokraatinullu kongresimilu siuttut isumaqatigiissusiorfigisimanngikkini Twitterikkut nalunaarutigaa.

AAMMA ATUARUK Nunasisut inuusuttut nunamit anisitaannginnissaat Demokraatit Trumpillu isumaqatigiissutigigaat

- Aaqqissuussaq Daca pillugu isumaqatigiissusiortoqanngilaq, Inuit attaveqaqatigiittarfiatigut Trump allappoq.

Demokraatit siuttui Chuck Schumerip Nancy Pelosillu ullumi nalunaarutigigaluarpaat unioqqutsitsillutik nunasisut meerartaat 800.000-iusut illersorneqarnissaat pillugu Trump isumaqatigiissusiorfigineqartoq.

Taamaattoqanngitsorli Trump maanna oqaatigaa.

/RITZAU/Reuters