Trumpip DACA-p atorunnaarsinneqarnissaa eqqartuussivitsigut 2017-imi suliassanngortippaa, eqqartuussiviilli DACA-p atuutiinnarnissaa taamani aalajangermassuk maanna suli atuuppoq.Assi: Tom Brenner/Reuters/Ritzau Scanpix

Trump nunasinianut inuusuttunut akerliunermini eqqartuussiviit qullersaannut ajorsartoq

Eqqartuussiviit qullersaat Daca-mik taaguuteqartumik aaqqissuussinermi præsidentip iliuuseqarneranut akerliulluni suliaq naammassivaa.

USA-p præsidentiata, Donald Trumpip, USA-mut nunasiartortunut sukannersumik iliuuseqartarneranut akerliusumik, USA-mi eqqartuussiviit qullersaat aalajangerpoq.

Qimaasut inatsisinik unioqqutitsillutik USA-mut isertut illersorniarlugit inatsit maanna atuuttoq, DACA-mik taaguutilik, Trumpip atorunnaarsitsiniarnera inatsisinik unioqqutitsinerusoq, eqqartuussiviit qullersaata maanna aalajangerpaa.

Qimaasut meeraatillutik USA-mut isertut USA-miissinnaanissamillu akuersissuteqanngitsut DACA aqqutigalugu illersorneqarnissaat, præsidentiusimasup Barack Obamap inatsisissatut siunnersuutaa 2017-imi akuersissutigineqarlunilu atuutilersinneqarpoq.

AAMMA ATUARUK Trump: Nunasisut inuusuttut pillugit isumaqatigiissuteqartoqanngilaq

Inuit 660.000-t missaat DACA-mit illersugaapput.

Trumpip DACA-p atorunnaarsinneqarnissaa eqqartuussivitsigut 2017-imi suliassanngortippaa, eqqartuussiviilli DACA-p atuutiinnarnissaa taamani aalajangermassuk maanna suli atuuppoq.

Qimaasut meeraatillutik inuusuttuutillutilluunniit USA-mut annguttut "dreamers"-imik aamma taaguutillit pillugit suliaq taamaasilluni naammassineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat