Trump naalakkersuinermut akisussaasumut eqqartuunneqarnissaanut pinngitsuutinneqarpoq

Præsidentiusimasup Donald Trumpip naalakkersuisunut akisussaasunut eqqartuunneqarnissaa pillugu USA-mi senatip arfininngornermi  pinngitsuutippaa. 

Eqqartuunneqarnissaanut taasinerit 67 pisariaqartinneqartut Demokratinit iluatsinneqanngillat. 

Senatimi ilasortat 57-it Trumpip eqqartuunneqarnissaanut taasipput 43-it akerliusut.  

Demokratit sinnerlugit Senatimi ilaasortat 50-it qanoq taasisimanerlutik aperineqaramik "pisuutinneqassasoq" akipput.  

Republikanerit senatorimi ilaasortaatitai arfineq marluk Trumpip eqqartuunneqarnissaannut taasipput. 

Taakku tassaapput Richard Burr, Bill Cassidy, Susan Collins, Lisa Murkowski, Mitt Romney, Ben Sasse aamma Pat Toomey.

Trumpip eqqartuunneqarnissaannut Senatimi ilaasortat 100-uujusut amerlanerussuteqarnissaannut  ilaasortat pingajorarterutaat pisariaqartinneqarput.  Taamaattumik republikanerit 17-it taaseqataanissaannut Demokratit pisariaqartippaat. 

Trump unnerluutigineqarpoq  Kongressemi ataatsimiittarfimmut saassussisoqarnissaanik  januarip ulluisa arfernganni tinnersaasimasutut. 

Donald Trump ukiup ataatsip ingerlanerinnaani naalakkersuinermik akisussaasumut eqqartuunneqarnissaanut pinngitsuutinneqarpoq. 

Donald Trump kisiartaalluni USA-p oqaluttuarisaanerani naalakkersuinermik akisussaassumut marloriarluni sassartinneqarpoq.  

USA-p oqaluttuarisaanerani sisamariarluni præsidentimut naalakkersuinermik akisussaasunut eqqartuussisoqarpoq. Taakkunannga marluk Donald Trumpimut 

Donald Trump  eqqartuussinerit ullut tallimat ingerlaneranni pisortatigoortumik oqaaseqnngilaq.,  Naalakkersuinermik akisussaasumut eqqartuussineq Senatimi ingerlanneqarpoq.