Assi: Dan Scavino Jr. [Public domain], via Wikimedia Commons

Trump Kim Jong-Unilu ataatsimeeqatigeeqqinniarlutik isumaqatiginninnialeruttortut

USA-p præsidentiata Donald Trumpip Korea Avannarliup siuttuanik Kim Jong-unimik ataatsimeeqateqqinnissaa pillugu isumaqatiginninniartoqaleruttortoq, Trumpip nammineq uppernarsarpaa.

Sumi qaqugulu ataatsimiittoqassanersoq isumaqatiginninniutigineqarpoq. Donald Trump Kim Jong-unilu Singaporemi siorna juunimi naapipput, ataatsimiinnerallu oqallisigineqangaatsiarluni.

Kim Jong-un Donald Trumpimut sapaatip-akunnerata siuliani allagaqaateqarsimasoq Trumpip oqaatigaa, allagaalu ajunngivissut, oqaatigalugu.

AAMMA ATUARUK Trump Kim Jong-unilu ataatsimiinnerat iluatsilluarpoq

- Sumi ataatsimiissanerluta isumaqatigiinniutigaarput, Trump, qulimiguulinnut ikiartornermini oqarpoq.

- Ataatsimiikkusupput, uagullu aamma ataatsimiikkusulluta. Qanorlu pisoqassanersoq maanna takussavarput, Trump aamma oqarpoq.

USA-p Korea Avannarlermut immikkut sukannersumillu iliuuserisani attatiinnarniarunigit Korea Avannarliup USA-mik isumaqatiginninniarneranut sunniuteqarsinnaasut, Kim Jong-unip ukiortaami oqalugiarnermini ilaatigut mianersoqqussutigaa.

USA-lli Korea Avannarlermut iliuutsini attatiinnarniarai, Trumpip oqaatigaa.

AAMMA ATUARUK Korea avannarleq isornartorsiorneqangaatsiartoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat