Assi: Gage Skidmore/Flickr Creative Commons

Trump Danmarkimut tikeraassanerluni qularaa

Amerikamiut præsidentiat Donald Trump qaammatip tulliani Danmarkimut pisortatigoortumik tikeraassanerluni suli qulakkiinngilaa, naak tamanna isumaqatigiissutaagaluartoq.

Tusagassiortunik katersortitsinermi sapaammi unnukkut pisumi tikeraarnissani qulakkeerlugu oqaatigisinnaanagu oqarpoq. 

- Pisariaqavitsinnagu Danmarkililarniassara qularaara. Immaqa taamaaliussaanga. Polenimukassaagut immaqa aamma Danmarkiliarumaarpugut.

AAMMA ATUARUK Kalaallit Nunaannut aaqqissuussaanikkut soqutiginnilluni Trump-ip ilalerpaa

Danmarkimi ministeriunerup  Mette Frederiksenip Kalaallit Nunaannut ippassaq tikittup suli upperaa, USA-mi præsidentip timmisartorsua Air Force One, septemberip ulluisa aappaanni Danmarkimiut tikikkumaartoq.

- Amerikamiut præsidentiannik tikeraartoqarnissarput naatsorsuutigaarput piareersaleruttorpugummik Mette Frederiksen DR-imut taama oqarpoq.

- Tikeraarnissaanut qilanaarpugut.  USA isumannaallissaanikkut politikkimi suleqatigisatsinni pingarnersaavoq, Mette Frederiksen oqarpoq.

USAp præsidentia Donald Trump ippassaq tusagassiortunik katersortitsinermi uppernarsarpaa, Kalaallit Nunaata pisiarinissaannut eqqarsaatersorsimalluni.

AAMMA ATUARUK Trumpip nunatsinnut pisinissamik isummersornera Nuummiunit quianaagineqarpoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat