USA-mi inuit 2409-t coronavirusimik tunillanneqarnermik kingorna toqutseqarsimasut, 136.000-illu tunillanneqarsimasutf, sapaammi unnukkut nalunaarutigineqarpoq.Assi: Alexander Drago/Reuters/Ritzau Scanpix

Trump: Coronavirusimik toqquteqartut amerlanerpaaffimminniingajalersut

USA-mi inuit coronavirusimik toqquteqartut 100.000-it 200.000-illu akornanniisinneqarsinnaappata tamanna sulilluarsimasutut taasariaqartoq, Donald trump isumaqarpoq.

USA-mi corona virusimik tunillanneqarsimallutik ullormut toqusartut sapaatit akunneri marluk qaanngiuppata amerlanerpaaffiminniissapput.

Nutaarsiassaqartitsivik AFP naapertorlugu USA-mi præsidenti Donald Trump sapaammi unnukkut tusagassiortunik katersortitsinermi taama oqarpoq.

Inuit 518-it coronavirusimik tunnillatsinnerminnit ullup unnuallu ataatsip ingerlanerani toqusimasut, Johns Hopkins Universitymi naatsorsuinerit takutippaat.

Trumpip killilersuineq apriilip naaneranut sivitsoraa

- Coronavirusmik USA-mi toqquteqartussatut ilimagineqartut 2,2 millionissangatinneqarput, taakkuali sapinngisamik 100.000-it 200.000-illu akornanniissinnaatikkutsigit sulilluarsimasutut taasariaqartoq, nutaarsiassaqartitsivik Reuters naapertorlugu Donald Trump taama oqarpoq.

Inunnut allanut qanillattornaveersaaqqusineq apriilip ulluisa 30-anut sivitsorneqartoq, Donald Trumpip tusagassiortunik katersortitsinermi aamma nalunaarutigisimagaa, Reuters allappoq.

Præsidentip USA-mi nunap annerpaartaata poorskimi ammaqqinnissaanut anguniakki taamaaliluni tunuartippaa.

USA-mi inuit 2409-t coronavirusimik tunillanneqarnermik kingorna toqutseqarsimasut, 136.000-illu tunillanneqarsimasutf, sapaammi unnukkut nalunaarutigineqarpoq.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 7505
  Tunillanneqarsimasut 14
  Peqqisseqqittutut nalunaarutigineqartut 14
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Pissarsivik: nun.gl
  Nutarterneqarpoq
  septembarip 21-at 2020 nal. 10:45