Qarmarsualiortitserusulluni milliardinik qinusoq
USA-p ministereqarfiata præsidentip Trumpip qarmarsualiassaanut 18 milliardit dollarit, koruuninngorlugit 111 milliardit, pissarsiariniarpai.
Allattoq Ritzau
Nutserisoq Sara K. Jakobsen
Aviisi The Wall Street Journal arfininngornermi taama allaaserisaqarpoq.
USA-p naalakkersuisui Kongressimut 1000 kilometeriuisumik qarmarsualiornissamut aningaasanik piumasaqarput.
Nutaarsiassaqartitsivik Ritzau taama allaaserisaqarpoq.
Præsidentip Donald Trumpip Mexicomut killeqarfimmi qarmarsualiortitsinissamik neriorsuutaa sukumiisumik aatsaat maanna paasissutissiissutigineqarpoq.
Killeqarfimmi ungalusaq 655 kilometeriusoq qajannaallisarneqarlunilu tallineqarnissaa, naalakkersuisunit piumasarineqarpoq.
/ritzau/