Trump Alaskami eqqissisimatitami uuliasiornissamut akuersiniartoq

Donald Trumpip naalakkersuisuisa Alaskap issittortaani nunap uumasunut immikkoortitap, the Arctic National Wildlife Refugep, ilaa, maanna eqqissisimatitaasoq, pisuussutinik ujaasiffiginissaanut akuersissutinik tuniaanissamut akuersiniarpoq.
Amerikamiut nunamik aqutsiveqarfiat sinerissamut qanittoq tamarmi piginneqatigiiffinnit gassimik uuliamillu ujarlerfigineqarsinnaalernissaanut pilersaarummik inassuteqarpoq. Assi © : Mandel Ngan/AFP/Ritzau Scanpix
Allattoq Marianne Stenbæk, Montreal, Canada
septembarip 17-at 2019 09:44
Nutserisoq Jens Thorin

Amerikamiut nunamik aqutsiveqarfiat sinerissamut qanittoq tamarmi piginneqatigiiffinnit gassimik uuliamillu ujarlerfigineqarsinnaalernissaanut pilersaarummik inassuteqarpoq. Tassalu nunap eqqissimatitaasup 8 procentia tamatumunnga atorneqarsinnaalissaaq.

Alaskap guvernøria, Mike Dunleavy, Alaskami aviisimut Anchorage Daily Newsimut oqarpoq, naalagaaffiup immikkoortortaani pisuussutit pinngortitamiittut iluaqutiginissaat akisussaassuseqartumik inerisarniarneqartut.

Tamanna USA-mi Canadamilu nunap inoqqaavisa tuttunniarfigisarpaat.

Indianerit Gwich’in-it kattuffiat sinnerlugu oqaseqartartoq, Bernadette Demientieff, pilersaarummut isorinneqaaq.

- Pilersaarut manna Trumpip naalakkersuisuisa suliffeqarfissuarnut pigisaqarumatuunut qujaqquinnarlutik inooriaasitsinnik, nerisannaatsinnik, pinngortitamut pissutsitsinnik tuttunnillu narruginninnerannik takutitsivoq, Bernadette Dementieff oqarpoq.

Aamma atuaruk