USA-p præsidentia Donald Trump anginaasaateqarfigisimasaminit politikkikkut soqutigisaminut iluaqutiisimagami 2 millionit dollarsinik eqqartuussissutitaqanngitsumik isumaqatigiinnermi akileeqquneqarpoq.
New Yorkimi eqqartuussiviit qullersaat tallimanngornermi taama aalajangiisoq nutaarsiassaqartitsivik AFP allaaserisaqarpoq.
Eqqartuussisunut suliassanngortitaq naapertorlugu, Trumpip aningaasanik ajunngitsuliornernut katersiffiusumit Trump Foundationimit aningaasat eqqartuussissutitaqanngitsunik isumaqatigiissuteqarnernut, akunnittarfiutiminut ilaatigullu nammineq assiminut golfertarfiutimini nivingasumut atortarsimavai.
Atornerluineq 2016-imi paasineqarmat Trumpip aningaasaateqarfik matuniarsarigaluarpaa. Tamannali paasiniaasoqarmat itigartitsissutigineqarpoq. Aningaasaateqarfik eqqartuussisutigut suliamut siorna aallartittumut atatillugu matuneqarpoq.
Eqqartuussissutitaqanngitsumik isumaqatigiissummit aningaasat, 13,6 millionit koruuninik naleqartut, ajunngitsuliornermut suliniaqatigiiffinnut eqqartuussiviit qullersaata toqqagaanut tunniunneqassapput.
/Ritzau /
Isummersuutit