Trump: Ajugaaffigeqqeriaannaagunarpakka
Donald Trump USA-mi immaqa præsidentinngorniaqqissalluni ilimasaarutigaa.
Præsidentiujunnaareerluni siullerpaamik oqalugiarami taama oqarpoq.
- Kia ilisimavaa? Immaqa pingajussaanik ajugaaffiugiumaarpakka, Trump konservatiivit illoqarfimmi Orlandomi sapaammi ataatsimiinneranni oqalugiarami oqarpoq.
AAMMA ATUARUK Republikaneriusimasut nutaamik partiiliornissamik oqallittut
Donald Trump USA-mi 2016-imi præsidentinngorniunnermi ajugaavoq. Præsidentimut siorna novemberimi qinersisoqarnerani aamma ajugaasimanerarpoq, taamalli oqarnera amerikami qinersinermi oqartussanit akerlilerneqarpoq.
Taamani pisortatigoortumik oqaaseqarpiarneq ajorpoq, inoqatinullu attaveqatigiittarfinni soorlu Twitterimi Facebookimilu mattussaaqqalluni.
Trumip partiimik nutaamik pilersitsiniarnani oqalugiarami oqarpoq.
Partiimik nutaamik pilersitsisoqaraluarpat, tamanna partiimut tassunga Det Repulikanske Partiimullu taasinermi avissaartuuttoqarsinnaammat sianiitsuliornerussasoq, præsidentiusimasoq erseqqissaavoq.