True North Gems akuersissummik tunineqarpoq

Nuup kujataani Qeqertarsuatsiaani pinnersaasiassamik aligumik aappaluttumik rubiniinik piaanissamut True North Gemsip qinnuteqaataa Naalakkersuisut aatsaannguummat akueralugu atsiorpaat.
Allattoq Dorthea Johansen
marsip 03-at 2014 09:15

Inuussutissarsiornermut Aatsatassarsiornermullu Naalakkersuisup Jens-Kirkegaardip rubininik piaanissamut  Canadamiut qinnuteqaataat pillugu akuersissummik atsiorpoq.

Qeqertarsuatsiaat kujataani rubininik piaanissamut aatsitassariorfimmik ammaanissamut alloriarneruvoq.

Aatsitassarsiorfimmik ammaasoqalinnginnermi alloriarnissat tullerivaat aningaasanik pissarsinissaq, kiisalu aningaasaleeqataasussanik pissarsinissaq.

Piiaaviliornissamut 200 millionit koruunit pisariaqartinneqarput, aammattaaq piiaaviliornissamut atatillugu tunisassiornissamut sanaartornissamullu akuersissummik pisariaqartitsisoqarluni.

Naalakkersuisorli Jens-Erik Kirkegaard ullumi isumalluarpaluppoq:

- True North Gemsip aningaasaliisartunit piffissaq pisariaqartoq malillugu piumassuseqarfigineqarlunilu 2014-ip naannginnerani piiaaviliorluni aallartissinnaanissaa neriuutigaara, naalakkersuisoq allaffimmini isumaqatigiissummit ullup qeqqalernerani atsioreerluni taama oqarpoq.

KNR.gl, Radioaviisi aamma Qanorooq atuinissamik isumaqatigiissut pillugu paasissutissanik amerlanerusunik ullup ingerlanerani tusarliussaqarumaarput.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk