Canada Trudeaup utoqqatsernera innu-indianerit naammaginngikkaat

Canadap naggueqatigiinnut Inunnut indianerinullu utoqqatsernera assigiinngitsumik isummerfigineqarpoq.
Justin Trudeau Canadas premierminister Assi © : © Office of the Prime Minister (2015)
Allattoq Marianne Stenbæk, Montreal, Canada
novembarip 27-at 2017 07:44
Nutserisoq Sara K. Jakobsen

Canadap ministeriunerunera Justin Trudeau naggueqatigiinnut inunnut indianerinullu nunasiaatilittut iliuuserineqarsimasut pillugit sapaatip akunnera kingulleq utoqqatsissuteqarpoq.

Naggueqatigiit Inuit, Innu indianerillu meerartaasa atuariartortitaasarfinni piffissami 1900-mit 1980-ip tungaanut kanngunarsagaallutillu atornerlunneqartarsimapput.

Innu indianerilli utoqqatserneq naammaginngilaat. Sulimi assigiinngisinneqartut, Innu indianerit oqaaseqartartuat CBC Newsimut oqarpoq.

AAMMA ATUARUK Trudea nunap inoqqaavinut utoqqatserpoq

Hopedalemeersup Toby Obedip utoqqatsissut Labradorimiut sinnerlugit akueraa. Nunatsiavummi NunatuKavummilu inuit utoqqatsissut aamma akueraat.

Toby Obedip aqqusaarsimasai pitsaanngeqaat. Pingasunimmi ukioqarluni arsaagaavoq atuarfimmullu ineqarfiusumut nuutsitaalluni. Tassaniinnermini naalliutsitaasarsimavoq meeqqallu angerlarsimaffiinut assigiinngitsunut nooqattaartarsimalluni.

Taavalu aamma ukiukkut sivisuumik silamiitsitaasimavoq, isigaalu qerrussimammata kipineqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq