Assi: © Office of the Prime Minister/Adam Scotti

Trudeau kusanaatsuliortoqarnerata kingorna kinguariartulersoq

Kusanaatsuliortoqarnerata kingorna Trudeaup partiiata liberaliusup partiimit konservativiusumit qaangerneqarnera qinersisartunik isumasiuinermi ersersinneqarpoq.

Canadami premierministeri, Justin Trudeau, politikkikkut kusanaatsuliortoqarneranik suliaq pissutigalugu siullerpaamik ilungersortitaavoq kinguariartulerneralu qinersisartunik isumasiuinerni ersersinneqarpoq.

Kusanaatsuliortoqarnera aviisit saqqaanni pingasunngormat allaasereqqinneqarpoq, Trudeau siunnersortigisimasamit allatsigisimasaminillu inatsisartut ataatsimiititaliaata tusarniaanerani taperserneqarmat.

Trudeaullu taperserneqarnerata peqatigisaanik qinersisartunik isumasiuinermi liberalit partiiata Trudeaumit siuttuuffigineqartup kinguariangaatsiarsimanera ersersinneqarpoq. Partiialu konservativit partiianit siullerpaamik minnerulerpoq.

Ipsosip isumasiuinerata takutippaa Trudeaup partiia qinersisartut 31 procentiinit tapersersorneqartoq, konservativillu partiiat Andrew Scheerimit siuttuuffigineqartoq 40 procentinit tapersersorneqartoq.

Canadami kingusinnerpaamik ukioq manna oktobarip 21-ani qinersisoqartussaavoq.

AAMMA ATUARUK Canadami naalakkersuisuni ilaasortani qaffasissumi inissisimasumik tunuartoqaqqittoq

Gerald Buttsip, Trudeaumut qanittumik ikinngutaasup, siornatigullu allattaatut pingaarnertut inissisimasimasup, kusanaatsuliortoqarneranik suliamut naalakkersuisuni ilaasortat tunuarnerannik kinguneqartumut tunngatillugu, inatsisartut ataatsimiititaliaanni Trudeaumik tapersiivoq.

Jane Philpottip, Canadami missingersuutinut allattoqarfimmi siulittaasup, Trudeaup naalakkersuisui illersorsinnaajunnaaramigit tunuarluni sapaatit akunneranni uani nalunaarutigaa.

Jane Philpott peqqissutsimut Canadamilu nunap inoqqaavinut siornatigut ministeriuvoq.

Trudeau Canadami suliffeqarfissuarmut tunngatillugu suliamut akuliussimasutut pisuutinneqarnera akueriumanngilaa.

Inatsisinik atuutsitsinermut ministeriusimasumit Jody Wilsom-Rayboundimit, inatsisartut inatsiseqarnermut ataatsimiititaliaanni februaarip 28-ani nassuiaatinneqartumit taama pisuutinneqarpoq.

Jody Wilson-Raybould naalakkersuisunit Trudeaup siuttuuffigisaanit siorna "toqqaannanngikkaluartumik sioorasaarneqarsimanerarpoq".

Ingeniøritut suliffeqarfimmi SNC-Lavalinimi Montrealimiittumi peqquserluttoqarsimaneranik pisuutitsisoqarneranik misissuinerminut atatillugu toqqaannanngikkaluartumik sioorasaarneqarsimanerarpoq.

SNC-Lavalin Canadami 9000-inik sulisoqarpoq, Quebecimiinnaq 3400-iullutik, nunarsuullu sinnerani 50.000-init amerlanerullutik.

SNC-Lavalin peqquserluttuliorsimasutut pineqaatissinneqassagaluaruni Canadap naalagaaffianik ukiuni qulini sullisseqqusaajunnaaratarsinnaavoq.

Wilson-Raybould naapertorlugu inunnit aqqanilinnit naalakkersuisuneersunit suliap misissuiffiginnginnissaanik kimigiiserfigineqarsimavoq.

/ritzau/AP

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat