Triton annaassiniarpoq

Kangilinnguani Sakkutooqarfiup umiarsuaa alapernaarsuut, Triton, marlunngornerup pingasunngornerullu unnuaani annaassiniarluni ikiuuttariaqarsimavoq, tyskeq umiartortoq umiarsuarmi imaani misissuisarfimmi annertuumik ajoqusersimasoq annaanniartariaqarsimagamiuk.

Umiartortoq assammigut ajoquserujussuarsimavoq, ajoqusersimasullu Dronning Ingridip Nuummi napparsimmavissualiaanneqarnissaa aalajangiunneqaraluarpoq, tamannali sivisuallaassaqimmat taamaatiinnarneqarluni.

Taamaammat umiartortoq taanna Reykjavikiliaanneqartussanngorpoq, tassaniipporlu umiarsuaq alapernaarsuut, Triton. Alapernaarsuut umiarsuarmut misissuivimmukarpoq, qulimiguulillu ikiorsiullugu angut ajoqusersimasoq ikineqarsinnaanngorsimavoq. Umiartortoq alapernaarsuummut Tritoniliaanneqarpoq, tassanilu nakorsap aalajangerpaa, sukkanerpaamik Islandiliaanneqassasoq.

Alapernaarsuut Triton, qulimiguulimmik aamma peqartoq, Reykjavikimut qanillimmat, angut umiartortoq Reykjavikimi napparsimmavimmut timmisartuunneqarsinnaasimavoq.