Ilulissani illunit pingasunit qimagussuisoqarpoq: Innuttaasut immap eqqaaniissanngitsut
Ilulissani nunaqarfinnilu qanittuniittuni ulussaarsuartut sakkortutigisumik anoraasuarnera pissutigalugu mallerujussuarpoq.
Allattoq Bikki P. Kleist
novembarip 15-at 2019 12:34
Pitoqqimi illut pingasut inui qimarngussortinneqarput.
Politiit oqarnerat naapertorlugu Ilulissani illut qassiiusut malissuarnit eqqorneqarnerat ulussaarsuartut sakkortutigisumik anoraasuarneranik pissuteqarpoq.
Inunnik ajoqusertoqanngitsoq politiit ilisimatitsissutigaat – tallimanngornermilu ualisoq mallit sakkortoorujussuummata imaanut qinillattortoqannginnissaa politiit kaammattuutigaat.
Aammattaaq nunaqarfinni Oqaatsuni, Qeqertani, Saqqami, Ilimanilu imaanut qanillattortoqassanngitsoq politiit inassutigaat, suliamullu atatillugu allamik ilisimatitseqqinnianngikkallarlutik.
Video: Niels Pedersen
Video: Niels Pedersen
