Kilisaatit marluk Maniitsup eqqaani aportut
Arfininngormerni unnukkut kilisaatit marluk Maniitsup eqqaani imminnut aporput.
Pisoq politiit KNR-imut uppernarsarpaat.
Inunnik ajoqusertoqanngitsoq passisallu malillugit ulorianartorsiortoqanngtsoq politiini pigaartut pisortaat oqarpoq.
- Susoqarsimanersoq naluarput. Kilisaatit Nuummut tikippata misissuissaagut, nunatsinni politiit pigaartuisa pisortaat Palle Augustinussen oqarpoq.
Royal Greenlandip attaveqaqatigiinnermut pisortaata Masaane Egedep oqatigaa kilisaataatertik Akamalik kilisaallu alla aporsimasut.
- Qanoq pisoqarsimanersoq oqaatigisinnanngikkallarpara, kisianni inunnik ajoqusertoqanngilaq, Akamalilli akornguserpoq, Masaana Egede oqarpoq.
Politiinit oqaatigineqarpoq Polar Nataarnaq Polar Seafoodimit pigineqrtoq aamma Akamalik Royal Greenlandimit pigineqartoq aportut.
Pisoq sillimmasiisarfimmut nalunaarutigigitsik Royal Greenlandimiit aamma oqaatigaat.
Royal Greenlandip nittartagaani takuneqarsinnaavoq Akamalimmi inuttat 22-it 26-illu akornanni amerlassuseqartut.