Transparency Greenland Transparency Internationalimi ”National Chapter in Formation”-nngorpoq

Transparency Greenlandip ”National Chapter in Formation”-inngornera National Chapter in Transparency Internationalitut tamakkiisumik inissisimalernissaa qanilliallaqqinneqarpoq. Suliaavoq annertuupilussuaq, peqatigiiffiullu nunatsinni ersarissaanissamik suliniuteqarsinnaanini takutinniartussaassavaa.

- Transparency Greenlandimi Transparency Internationalimi ”National Chapter in Formation”-inngortinneqarnerput tulluusimaarutigaarput. Peqatigiiffiup annertuumik suliaqarneranik NGO-tullu 2011-mi aallartinnitta kingorna aaqqiissuussaanikkut inissivissimanitsinnik ataqqinninneruvoq pingaarutilik, Transparency Greenlandimi siulittaasoq Anders Meilvang oqarpoq.

Transparency Greenlandip peqatigisaanik aamma FN-ip Global Compactia atsiorpaa, tassalu suliffeqarfiit inuiaqatigiinnut akisussaaqataanissaannut suliniutit nunarsuarmi annersaat. Global Compactimi ileqqorissaaernikkut tunngavissat qulit malinneqarput – ilaatigullu peqquserluttarnermik akiuiniarnermut tunngassuteqarlutik - suliffeqarfiillu inuiaqatigiinnilu suliniaqatigiiffinnikk imminnut qaninnerulersitsisoq. Der er derfor et naturligt sammenfald af interesser mellem Transparency Greenlandip Global Compactillu soqutigisaasa assigiinneri pissusissamisuuginnarput, tamannalu Transparency Greenlandip tapersersorusuppaa.

- Transparency Greenlandip Global Compactimi suleqatigiinneq tapersersorusuppaa, tassanimi suliffeqarfinni peqquserluttuliortarnermik akiuiniarnermik immikkut suliaqarneq Kalaallit Nunaanni aatsitassarsiornikkut aningaasarsioriartornerani pisariaqaleriartuinnartussaammat, Anders Meilvang oqarpoq.