Assi: Throat Singing in Kangirsuk

Torlorsorneq pillugu isiginnaagassiaq Sundance Film Festivalimi takutinneqartoq

Naggueqatigiit Inuit niviarsiaqqat marluk filmiliaat amerikamiut Sundance Film Festivaleqarneranni uissuummissutigineqarpoq.

Throat Singing in Kangirsuk (Kangersummi torlorsorneq, aaqq.) filmfestivalertoqarnerani takutinneqarpoq.

Naak Nunavimmi torlorsorneq pillugu isiginnaagassiaq naatsuliaalluni, minutsinik pingasunik affarmillu sivisussuseqaannaraluartoq, ukioq manna festivalertoqarnerani oqallisaanerpaanut ilaavoq.

Torlorsorneq pillugu musikvideo naggueqatigiinnit inunnit niviarsiaqqat marluk, Eva Kaukaip Manon Chamberlandillu Nunavimmi nunaqarfimmit Kangersummeersut suliaraat. Taakkulu nammineerlutik torlorsortuupput.

Sundance Festivalimi peqataaneq pingaartumik naggueqatigiit Inuit piorsarsimassusaat nunarsuarmiunut taama amerlatigisunut takutissinnaanera nuannertorujussuusoq, niviarsiaqqat marluk Kangersummiittuaannarsimasut Postmediamut oqarput

Niviarsiaqqat tuttut taakkulu naggueqatigiinnut inunnut isumaat pillugu naatsumik tullissaani isiginnaagassiorniarlutik oqaatigaat.

USA-mi naalagaaffimmi Utahmi januaarimi februaarimilu Sundance Festivalertoqartarpoq 45.000-illu missaat isiginnaariartarlutik.

 

Filmimut pilerisaarut ataani isiginnaarneqarsinnaavoq:

THROAT SINGING IN KANGIRSUK Trailer | TIFF Next Wave 2019

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat