Toqutsisutut pasisap tigummigallarneqarnera sivitsorneqarpoq
Arnap 48-nik ukiullip nunaqarfimmi Savissivimmeersup, qaammammi matumani siusinnerusukkut uiminik savimmik kapisilluni toqutsisutut pasineqartup, tigummigallarneqarnera sapaatip akunnerinik sisamanik sivitsorneqarpoq.
Allattoq Louise M. Kleemann
Tamanna Pituffimmi politeeqarfiup pisortaata John Hansenip Radioaviisimut uppernarsarpaa.
Arnap 48-nik ukiullip tarnikkut misissorneqarnissaa pisariaqarnersoq, politiit Sisimiuni nakorsat pisortaanut nalileqqullugu qinnutigaat.
Tarnikkut misissuisoqarnissaa aalajangiunneqassappat, taamatut siunnersuuteqarneq nakorsanut eqqartuussinermi siunersiorneqartartunut saqqummiunneqaqqaassaaq. Taamalu pisoqassappat arnap tigummigallagaanera sivitsorneqartariaqassaaq.
Arnaq 48-nik ukiulik maannamut apriilip arfernata tungaanut tigummigallagaasussaavoq.