Toqutsisup tigummigallagaanera sivitsoqqinneqarpoq
februaarip 28-at 2006 10:30
Ukiortaap ullaavani Rolf Geislerimik toqutsisup, 19-inik ukiullip, tigummigallagaanera qaammatini pingasunik ilaqqinneqartoq, Tasiilami politiit nalunaarput.
Angut inuusuttoq toqutsisimasutut nassuernikuuvoq, qaammatinilu tulliutuni pingasuni tarnikkut qanoq issusaa misissorneqassasoq Tasiilami politiit nalunaarput.
Majip qaammataani angut 19-nik ukiulik eqqartuussivimmut sassartinneqaqqissaaq.