Toqutsisimasutut pineqaatissinneqarsimasut pineqaatissinneqarnerat sakkukillisinneqarpoq
Pineqaatissinneqarnertilli Vestre Landsretimut suliareqqitassanngortippaat, pineqaatissinneqarnerallu maanna sakkukillineqarpoq.
Pineqaatissinneqartoq ataaseq pinngitsuutinneqarpoq, sinnerilu peqqarniitsumik nakuusersimasutut, tassungaluunniit peqataasimasutut maanna pineqaatissinneqarlutik.
Ataaseq ukiumi ataatsimi qaammatinilu pingasuni parnaarussassanngortinneqarpoq, ataaseq ukiup aappaata qeqqa pingajuallu ukiuni marlunni parnaarussassanngortinneqarluni.
Parnaarussassanngortitsinerillu ataatsimut isigalugit ukiunik 30-nik taamaasillutik sivikillineqarput, ataaserlu pinngitsuutinneqarluni.
AAMMA ATUARUK Skagenimi toqutsineq sumiuussutsimut tunngassuteqanngilaq
20-nik ukiullip siorna 2017-imi januaarimi toqutaanerani qanorpiaq pisoqarsimanersoq nalornissutigineqarmat Hjørringimi eqqartuussiviup aalajangiinera Vestre Landsretimi allatut maanna aalajangiivigineqarpoq.
Angummik saassussineq piffissani assigiinngitsuni marlunni pisimavoq. Angutit pineqaatissinneqartut nakuusernermi siullermi, unnukkut nalunaaqutaq arfineq-pingasunut qiteqqunnerani peqataasimasut uppernarsarneqarsinnaasoq, Vestre Landsretip aalajangerpaa.
Kikkulli angutip saassunneqartup inaani minutsit qulit missaanni qaangiummata najuussimanersut nalornissutigineqarpoq. Angut 20-nik ukiulik tassani saassunneqaqqippoq toqutaanerillu taanna kinguneqarluni.
Toqutaasoq kalaallimik anaanaqarpoq ataataalu Danmarkimeersuulluni. Inuunini tamaat Danmarkimi najugaqarpoq.
AAMMA ATUARUK Angutit sisamat Skagenimi peqqarniitsumik saassussillutik toqutsisimasutut pisuutinneqartut