Toqutsisimasutut pineqaatissiisoqarpoq
Ilulissat eqqartuussiviata angut 21-nik ukiulik ukiut sisamaat avilluguf sivisussusilimmik pinerluuteqarlutik inissiisarfimmiittussanngorlugu ippassaq pineqaatissippaa. Angut taanna persuttaanerup kingunerisaanik toqutsisimasutut pisuutinneqartoq, eqqartuussisoq Jens Møller nalunaarpoq.
21-nik ukiulik persuttaasimasutut persuttaanerullu kingunerisaanik toqutsisimasutut pisuulluni nassuerpoq, taakkulu tamaasa pineqaatissiissutigai.
Angut 38-nik ukiulik ilaqutaasoq februaarip qaammataani ukioq manna toqutaavoq.
21-nik ukiullip eqqartuussiviup pineqaatissiissutaa akueraa erngerlunilu pinerluuteqartartut inissiisarfiannut inissinneqarluni, februaarilli qaammataanili tigummigallagaasimagami pinerluuteqarsimasunut inissiisarfimmit 2007-p qiteqqunnerani anisinnaalissaaq.