Toqutsisimasutut pasisaq junimi eqqartuunneqassaaq
marsip 11-at 2005 17:06
Nunatta eqqartuussiviata ullumi aalajangerpaa angut 19-nik ukiulik, siorna decemberimi Nuup Eqqartuussiviani toqumik kinguneqartumik unataasimasutut pineqaatissinneqartoq, qaqugu eqqartuunneqassanersoq.
Eqqartuussineq pissaaq ukiormanna junip 22-iani.
19-nik ukiulik juullinngitsiartoq qaammatini sisamani isertitsivimmiittussanngorlugu pineqaatissinneqarpoq, 17-nik ukiulimmik talluatigut tilluinermi kingorna toqutsisimasutut.
Pisoq siorna septemberimi pivoq, Nuummi neriniartarfiup Dupont og Dupond-ip saavani.
Toqutsisimasutut pasisaq Nunatta Eqqartuussiviani eqqartuunneqarnissami tungaanut isertitsivimmiitinneqanngilaq.
