Toqutsisimasutut eqqartuussaq nunatsinniiginnassaaq
Nunatta Eqqartuussiviata 21-nik ukiulimmut Jan Andersenimut, 29-nik ukiulimmut Louise Hegelundimut Sisimiuni toqutsisimasutut septembarimi eqqartuunneqartumut, pineqaatissiissut sakkukillisippaa.
Allattoq Elisa Isaksen
Sisimiuni eqqartuussiviup aalajangeraluarpaa Jan Andersen piffissami killiligaanngitsumi Danmarkimi Herstedvesterimi parnaarussaassasoq, eqqartuussinerulli Nunatta Eqqartuussivianut suliassanngorteqqinneqarneratigut, pineqaatissiineq allanngortinneqarpoq, ukiuni arfineq-pingasuni Nunatsinni pinerluuteqarsimasunut inissiisarfimmiittussanngorlugu.