Toqutsisimasutut eqqartuunneqartoq
Allattoq Mads Lynge
novembarip 17-at 2006 10:55
Angut 19-inik ukiulik Tasiilami atuarfeqarnermut kultureqarnermullu pisortaasimasumik 43-inik ukiulimmik Rolf Geislerimik 13-eriarluni savimmik kapuuilluni toqutsisimanini peqqutigalugu eqqarsartaatsimigut misissorneqartussaq maanna pineqaatissinneqarpoq.
Killiligaanngitsumik pinerluuteqarsimasunik inissiisarfimmut Herstedvesterimiittussanngorlugu pineqaatissinneqarsimasoq, Tasiilami politiit pisortaat Kristian Singertât ilisimatitsivoq.
Angutip toqutaasup aappaa angut toqutsisimasutut siullermik pasineqarluni tigusarineqarpoq. Taannali toqutsisimanngitsoq paasinarsimmat 19-inik ukiulik toqutsisimasutut pasineqaluni tigusarineqarpoq.
19-inik ukiulik maanna Danmarkimut aallartinneqareerpoq.
