Toqutsisimasup parnaarussaanera sivikillineqassanngilaq

Ukiortaaq 1990-inngormat Narsami inunnik arfineq marlunnik toqutsisoq Abel Mikaelsen pillugu suliaq eqqartuusivitsigut ukiut marlukkaarlugit qaqeqqinneqartarpoq, pineqartup killiligaangitsumik parnaarussassanngortitaanera nalilersorneqartarluni.

Ullumilu Narsap eqqartuusiviani naliliisoqaqqimmat, taamatut pineqaatissinneqarnera allanngortinneqanngilaq, unnerluussisut tamanna kissaatigimmassuk.

Narsap eqqartuusiviani tamatut aalajangiineq, unnerluuneqartup illersuisuatalu Torben Emil Lynge-p nunatta eqqartuusivianut ingerlateqqikkaat, Narsap politeeqarfiani pisortaq Ib Lennerth Olsen oqarpoq.

Piffissaa killilernagu parnaarussassatut pineqaatissinneqarsimanini allanngortinneqassasoq Abel Mikaelsen-ip illersuisuatalu piumasarisimagaluarpaat, Tamannalu tassa Narsap eqqartuusiviani itigartinneqarpoq, piffissaa kililernagu pineqaatissiineq atuutiinarneqassalluni.

Abel Mikaelsen-ip illersuisua Torben Emil Lynge suliaq pillugu oqaaseqarusuppallaangilaq, aalajangiinerlu pillugu Narsami politiit apersorneqarnissaat kissaatiginerullugu.