Toqutsisimanerit pillugit suli misissuisoqarpoq

juulip 19-at 2005 10:40

Kangersuatsiami arnamik 26-nik ukiulimmik panianillu arfinilinnik ukiulimmik maajimi toqutsisimanerit pillugit politiit suli paasiniaapput, angullu 23-nik ukiulik toqutsisimasutut pasisaq qaammatini pingasuni suli tigummigallarneqassasoq, Nuummi politeeqarfimmi fuldmægtigi Søren Jæger oqarpoq.

Toqutsisimasutut pasisaq eqqarsartaatsimigut misissorneqartussanngorpoq, tarnip pissusaanik ilisimasalimmit.

Unnerluussisut aalajangiiffigisussaassavaat, 23-nik ukiulik toqutsisimasutut pisuutinneqassappat pinerluuteqarsimasunut inissiisarfimmut inissinneqassanersoq imaluunnit katsorsarneqassanersoq.

Teknikkikkut misissuinerit tamarmik naammassineqareerput, inernerillu suliarineqaleruttorput, eqqartuussinermi atorneqarnissaat eqqarsaatigalugu.