Toqutsineq pillugu matoqqasumik paasiniaapput
Toqutsineq Alanngukasiup Qaavani ullut arfinillit matuma siorna pivoq. Toqutsineq sioqqullugu angutit marluk oqqattut inunnit tusaaneqarsimapput, taamaattoq politiit suliaq pillugu annertunerusumik suli oqaaseqarumanngikkallarput.
- Paasiniaaneq suli ingerlavoq, taamaattumik toqutsiffimmi misissuinerit inerneri pillugit annertunerusumik oqaaseqarsinnaanngikkallarpugut, Poklitimesteqarfimmi politiinspektøri Viggo Johansen oqarpoq.
Toqutsinermi aallaat sorleq atorneqarsimanersoq pillugu politiit aamma oqaaseqarusunngillat.
Innuttaasut toqutsineq pillugu arlaannik ilisimasaqarunik politiinut saaffiginneqqullugit suli kajumissaarneqarput.