Suliareqqitassanngortitsineq: Toqutsineq Island tamakkerlugu aalassatsitsisoq
Thomas Møller Olsen Birna Brjánsdóttirimik toqutsisimasut hashimillu anngiortumik eqqussisimasutut 2017-imi januaarip qaammataani ukiuni 19-ini parnaarussassangorlugu eqqartuunneqarpoq, eqqartuussutlli Islandimi eqqartuussisuuneqarfimmut suliareqqitassanngortippaa.
Eqqartuussummik suliareqqitassanngortitsineq eqqartuussivimmi novembarip aallaqqaataani aallartippoq, unnerluussisussaatitaasullu eqqartuussutip atortuutinneqarnissaa kissaatigaa Thomas Møller Olsenillu illersuisuata pinngitsuutinneqarnissaa kissaatigalugu.
AAMMA ATUARUK Eqqartuussut aalajanngiiffigineqalersoq
Thomas Møller Olsenip toqutsinermut pinngitsuunini aalajangiusimajuarpaa, novembarimi eqqartuussinermi tamanna aamma attatiinnarpaa kilisaammilu suleqatigisimasani pisuutillugu.
Suleqatigisimasaa, aamma kalaaliusoq, Thomas Møller Olsen peqatigalugu januaarimi aamma tigusarineqarpoq.
Pineqartorli poliitinit sapaatit akunnerini marlunni tigummigallarneqareerluni iperagaavoq, qaammallu ataaseq qaangiummat Islandimi politiisa taassumunnga pasilliuteqarnertik taamaatiinnarpaat.
Eqqartuussineq Islandip eqqartuussisuuneqarfiani, Islandimi nalunaaqutaq malillugu, nal. 14. aallartissaaq.
AAMMA ATUARUK Thomas Møller Olsenip suliareqqitassannguinera aalajangiiffigineqangajalersoq
AAMMA ATUARUK Thomas Møller Olsenip suliareqqitassanngortitsinera Reykjavikkimi aallartittoq