Toqutaasut aqqi saqqummiunneqarput
Norgemi unnukkut arfininngortorlu politiit peqqarniisaartoqarnerata kingorna toqutaasut aqqi tamanut saqqummiuppaat.Toqutaasut aqqi tamarmik saqqummiunneqarnissaata tungaanut ullut tamaasa unnukkut arfinernut atinik saqqummiussisassallutik politiit oqaatigaat.
Allattoq Medea Frederiksen
Maannamut suli Norgep politiivineersut 30-t Utøyami inunnik ujaasipput angallatillu atortorissaarutilersukkat qeqertap eqqaani immami ujaasillutik.
Anders Breivik peqqarniisaartutut nassuersimasup, ukiut 60-it qaangiuppata toqoraasimanerminut nunarsuarmiunit qujaffigineqarnissani qularinngilaa. Illersuisuatali Geir Lippestadip illersukkani niaqulaarsoralugu oqamisaarpoq.
Anders Breivik niaqulaarnersoq misissorneqartussanngorpoq.