USA-p Irak-imik tiguaanera 2003-mili aallartimmat, maannamut USA-p sakkutuui 3545-t toqutaapput, tassa assersuutigalugu Maniitsup kommuneani innuttaasut amerlaqqataat taamanili toqutaasimapput.
Ullumiinnaq USA-p sakkutuui arfineq pingasut Irak-imi Bagdadimi toqutaapput.
Aqquserngup sinaani qaartartuliamik qaartartumeerneqarlutik, sakkutuut siullit sisamat toqutaapput, oqaluttaallu ikilerneqarluni.
Bagdadip avannaatungaani Tikrit-imi aamma qaartartumeernertalimmik aallaasersorluni saassussisoqarmat, sakkutuut pingasut toqutaapput.
Sakkutooq alla sorsunnermut attuumassuteqanngitsumik toqusimasoq nutaarsiassaqartitsivimmit ritzau-mit allaaserineqarpoq.
Juunip qaammataannaani USA-p sakkutuui 68-it toqutaasimapput.