Toqutaasup aqqa saqqummiunneqarpoq

Tasiilami ukiortaap ullaavani toqunneqartup aqqa danskit aviisiisa ilaannit BT-mit tusarliunneqarpoq. Angut savimmik 13-eriarluni kapoorneqarnerminik toqquteqartoq tassaavoq danskeq 43-nik ukiulik Rolf Geisler, Ammassallip kommuneani Atuarfeqarnermut Kultureqarnermullu pisortaasoq.

Angutip inooqatigisaa toqutsinermut atatillugu tigummigallarneqarpoq. Taannali toqutsisuusimannginnerarpoq, oqarluni aalakoornermik eqqaamasaqanngilluinnarluni.

Tasiilami politiit pisortaat, Kristian Síngertât, BT-mut oqarpoq, angut pasinartumik pissusilersorsimasoq.

Toqutsinerummi kingorna illu ikuallariarneqarsimavoq, ikuallajasut siaruarterneqarsimallutik acetonemillu ikuallassaaserneqarsimallutik. Angutip aaqqasersorsimanera iluarinanngitsorujussuarmillu pissusilersorsimanera aamma eqqumiigisimagitsik, Kristian Síngertât erseqqissaavoq.

Rolf Geislerip, ukiut aappaata affaani Tasiilami najugaqarsimasup, qimatarai meeqqani 15-inik 18-inillu ukiullit.