Toqutaasup aqqa saqqummiunneqarpoq

Kalaaleq arnaq 45-nik ukiulik Danmarkimi Korsørimi Skovparkenimi angerlarsimaffimmini toqungasoq tallimanngormat nassaarineqartoq tassaavoq Nauja Mona Petersen.
februaarip 08-at 2010 10:20

Politiit oqarnerat naapertorlugu Nauja Mona Petersenip savimmik ataasiarluni kapineqarnini toqqutigaa.

Nauja Mona Petersenip ilisarisimasaata, angutip 40-nik ukiullip, sapaatip akunnerata naanerani killisiorneqarluni nassuerutigaa Nauja Mona Petersenip inaaniissimalluni, namminerlu savimmik tigumiartuulluni. Kisianni toqutsisuunnginnerarpoq.

Politiit Nauja Mona Petersenip toqqutigisimasinnaasaanik allamik nassaarsinnaanngillat, taamaallaat ikini toqqutigisimassagaa ilimagaat, 40-nillu ukiullip savimmik tigummiartuusimanini nassuerutigereermagu suliap sukkasuumik naammassinissaa vicepolitiinspektørip, Søren Ravn Nielsenip, ilimagaa.

Toqusup timaanik misissuinerit inernerat politiit aqagu paasisaqarfigissavaat, Nauja Mona Petersenilu allamik toqquteqarsimanersoq paasinarsissaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq