Toqusunik ikuallaasarfiit kissassusaat Danmarkimi oqaluffinni atorluarneqarnialerpoq. Ileqqorissaarnermut siunnersuisoqatigiit tamanna akuersissutigaat, danskit 41.000-t missaat ukiumut ikuallagaasarput.
Danmarkimi Ikuallaasarfiit Kattuffianni siulittaasoq, Allan Vest, isumaqarpoq, avatangiisit mianerisariaqartut.
- Ikuallaaviit kissassusaat silaaannarmut aniatiinnarnagu oqaluffinnut atorluarsinnaavarput, allaammi immaqa sinneruttoq tuniniarneqarsinnaavoq, Allan Vest oqarpoq.
Kattuffilli isumaqarpoq, Danmarkimi toqusunik ikuallaaviit 33-iusut namminneq aalajangissagaat toqusortamik ikuallagaasut kissassusaat atorluarumanerlugit. Tamanna siornatigut nalornissutigineqartarpoq. Ileqqorissaarnissamulli siunneruisoqatigiit tassa isumaqarput, toqusunik ikuallaasarfiit kissaat atorluarneqarsinnaasoq.