Toqusunik ikuallaasarfeqalernissaq oqallisaaqqilersoq

Inatsisissatut siunnersuutip, nunatsinni toqusunik ikuallaaviliortitersinnaanissaq aqqutissiuunnialerpaa.
Allattoq Jonas Fievé
decembarip 17-at 2015 07:24
Nutserisoq Kerté Jeremiassen

Toqusunik ikuallaaviliornissaq ajornarsimagaluarpoq, kissaatigineqartarlunili, tamannalu amerlasuunit kissaatigineqartoq isumaliutissiissummi oqaasertaliunneqarsimavoq. AG taama allaaserisaqarpoq.

Inatsisartut ikuallaaveqalernissaa 2012-imili sammisimavaat. Taamani Ilaqutariinnermut ataatsimiititaliap, Naalakkersuisut peqqusimavaat, ikuallaaveqalernissaa aningaasatigullu malitsigisassai nalunaarusiorneqassasut.

Toqusumik ikuallaaniaraanni, ullumikkut pisariullunilu akisoorujussuuvoq. Tamannami toqusup timaa zinkimik ilivermik poorlugu, Danmarkimiit nassiutissagaanni 15.000 koruuninik sinnerlugilluunniit akeqartartoq AG allappoq.

Inatsisartut pilersaarutit naapertorlugit tamanna 2016-imi isummerfigissavaat.