Toqusorisaq
Angut 37-nik ukiulik aalisartilluni tammaaneqalersimavoq ajunaarsorisaalerlunilu. Angutip timaa nunamut tipputitimmat ilisarisimasaasa ilumut taannaanera uppernarsarsimavaat.
Angulli pineqartoq uumasimavoq, uumanerminillu tamaviaaqaluni uppernarsaaniaraluarami oqartussat mannginaarpai, tassami inuit aqqisa allattorsimaffianni toqoreersimatut allassimammat imaaliinnarlugu pisortat akueriumasimanngilaat.
Pisortalli kisimik upperinnikkumasimanngillat aammali ilaqutaasa upperisimanngilaat.
- Ilaquttama takugaminnga tupangaaramik ilisimajunnaarput tassami uffalu ilereersimagaannga takkukkama, angut taama oqarsimavoq.
Inuit aqqisa allattorsimaffianni angutip aqqa qaammatini tallimani utaqqisinneqartariaqarsimavoq, suliffittaarsinnaasimanngilaq sillimmasiisarfimmiluunniit sillimmaserneqarsinnaasimanani. Ilaqutaasali angut alla ilisaat kinaassusersineqarsimanngitsoq aviisi B.T. allaaserinnippoq.
