Politiit paasiniaanerminni Nordirlandimi najugaqarfiit ikinnerpaamik pingasut misissoqqissaarsimavaat.Assi: Peter Nicholls/Reuters/Ritzau Scanpix

Toqungasut timaat 39-t lastbiilimi nassaarineqartut pillugit suliamut tunngatillugu inuit marluk tigusarineqartut

Toqungasut timaat 39-t lastbiilimi nassaarineqartut pillugit suliamut tunngatillugu angut arnarlu inunnik anngiorlutik eqqussisimasutut mianersuaalliorlutillu toqutsisimasutut pasineqarlutik tigusarineqarput.

Tuluit Nunaanni politiit taama paasissutissiipput.

- Tuluit Nunaata avannaani Warringtonimi angut arnarlu 38-nik ukiullit tigusarineqarsimasut Esseximi politiit ilisimatitsissutigaat, Essexilu toqungasut timaannik 39-nik pingasunngormat ullaassakkut nassaarfiuvoq.

Tamatumani suliamut tunngatillugu lastbiilimi aquttoq 25-nik ukiulik tigusarineqarpoq. Taanna toqutsisimasutut pasineqarpoq.

AAMMA ATUARUK Tuluit politiivi: Toqungasut timaat lastbiilimiittut Kinaminngaanneersuupput

Toqungasut timaat lastbiilimi nassaarineqartut poliitinit napparsimmaviliaanneqartut siulliit aqqaniliupput, toqungasullu sumik toqquteqarsimanersut paasiniarlugu timaat napparsimmavimmi misissorneqassapput.

Lastbiili toqungasut timaannik usilik Londonip kangiani tassa Graysimi suliffissuaqarfiusumi nassaarineqarmat ambulancit aggersarneqarput, ambulancilli apuummata paasineqarpoq inuit nassaarineqartut 39-usut toqoreersimasut. Nassaarineqartut tamarmik Kinami innuttaassuseqartuussangatinneqartut politiit oqaatigaat.

Politiit paasiniaanerminni Nordirlandimi najugaqarfiit ikinnerpaamik pingasut misissoqqissaarsimavaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat