Toqungasup timaa arnaq kalaaliuvoq
DNA atorlugu misissueqqissaarnerup kigutillu assilinerisa aatsaat taanna Vivi Inger Kristianseniunersoq aalajangissavaat.
- Nakorsap timinik toqungasunik misissuisartup erseqqissarpaa tamatumani kalaaleq arnaq pineqartoq, aamma atisat tammarami atugai nassaaraavut. Aamma sualuit nassaaraavut, tamakkualu ataatsimut isigissagaanni qularutiginngilarput arnaq taannaasoq, tamatumali avammut nalunaarutigineqannginnerani qulakkeerinnilluinnartariaqarpugut, DNA-lu atorlugu misissueqqissaarneq kigutillu assilinerisa ikiussavaatigut, taama Midt- og Vestsjællandimi politiit oqarput.
Timi toqungasoq tallimanngormat Ringstedip avannaani orpippassuarni nassaarineqarpoq, taamaattumillu maanna toqusoqarsimatillugu misissuisoqarluni.
Misissueqqissaarnerit ingerlanneqaqqaassapput politiit suna toqussutaasimanersoq pillugu oqarsinnaalernissaannut.
