Toqungasumik nassaarneq: Immikkut ilisimasalik tikisilerpaat
Inuup toqungasup Nuummi Ukkusissani arfininngorneq maajip tallimaat nassaarineqarnera pillugu politiit paasissutissaataat suli killeqarput.
![Fjeldet ved Kangerluarsunnguaq (Kobbefjorden) Skicenter](/sites/default/files/styles/image_934x467/public/article_images/store_malene_630.jpg?itok=cjW-8gQe)
Fjeldet ved Kangerluarsunnguaq (Kobbefjorden) Skicenter
Allattoq Noah Mølgaard
Toqusunik misissuisartoq Danmarkimiit misissuiartussaaq Nuup qaqqaani Ukkusissani timi toqungasoq nassaarineqartoq misissussallugu.
- Timi nassaarineqartoq attorsimanngivipparput. Toqusut timaannik misissuisartoq Danmarkimiit tikikkuni misissuissaaq, Nuup politiivini pigaartoq Henning Siezing KNR-imut oqarpoq.
Politiit oqaatigiumanngilaat timi apummit qallerneqarsimalluni nassaarineqartoq arnaanersoq angutaanersorluunniit
- Inuup pisuttuartilluni takusimavaa assak nalunaaqutartalik apummiit nuisalaartoq. Nassaartup erngerlu oqarasuaat angallattagaq atorlugu politiinut nalunaarpoq, Henning Siezing oqarpoq.
Toqungasut timaannik misissuisartup misissuereernissaa sioqqullugu politiit oqaaseqaqqikkumanngillat.