Toqumut pillagaasimagaluariarlutik inuunermi sinnerani parnaarussussanngortinneqartut

Meeqqanik 400-nit amerlanerusunit HIV-mik piaaraluni Libyami tunillaassuisoqarsimaneranut atatillugu peqqissaasut tallimat Bulgariameersut nakorsarlu palæstinameersoq toqumut pillagaasimagaluarput, taamatulli eqqartuussineq inuunermi sinnerani parnaarussassanngortillugu allanngortinneqarpoq.

Eqqartuussat Bulgariamut uteqqissinnaanissartik maanna neriuutigilerpaat, pinerlussimasutut eqqartuussanik nunat taakku marluk akornanni tunniussisarnissaq isumaqatigiissutigineqarmat.

Palæstinamiu Bulgariamiusut maanna innuttaasuseqalersimavoq.

Eqqartuussinerit allanngortinneqarnerat naammanngitsoq Inuttut pisinnaatitaaffinnik illersuiniaqatigiiffiup Amnesty Internationalip oqaatigaa, inuillu taakku iperagaanissaat piumasaralugu.

Takussutissat eqqartuussinermut atorneqarsimasut naammaginarsimannginerarneqarput, napparsimmavimmilu eqquiluisaartoqarsimanngitsoq oqaatigineqarluni.