Toqumut pillagaanissani kissaatigaa
Pinerlunniaqatigiit sisamat allat peqatigalugit Guantanamomi eqqartuunneqarnissartik aallartinneqalersorlu, Khalid Sheik Mohammed taama kissaateqarpoq.
Associated Press taama tusarliussivoq.
Eqqartuussassat Al-Qaedakkunnik tapersersuisuunerarneqartut tallimat taakku assigiimmik atikkersorsimapput.
Mohammed Pakistanimi 2003-mi tigusarineqarpoq, Cubamullu Guantanamomut 2006-imi nuunneqarluni.
Guantanamomili eqqartuussisarneq isornartorsiorteqarpoq, eqqartuusseriaaseq matumani isornartorsiorneqarami. Isornartorsiuisut Guantanamomi eqqartuussisut USA-mi eqqartuussiviit qullersaannut tunniunneqarput.
Unnerluunneqartut eqqartuunneqassagunik toqumut pillagaasinnaapput, sorsunnermi pinerluuteqarsimasutut peqqarniisaarniarsimasutullu eqqartuunneqarsinnaagamik.
