Toqumut pillaasarneq atorunnaarsikkiartuaarneqarli

Naalagaaffiit Peqatigiit qullersaa, Ban Ki-Moon, Bruxellesimut qulleranngoramili perngarluni ullumi tikeraarpoq, tikeraarnerminilu anguniakaminut pingaarnernut ilaatippaa toqumut pillaasarnerup nunarsuaq tamakkerlugu atorunnaarsikkiartuaarneqarnissaa saqqummiuppaa.

- Inuuneq pingaaruteqartorujussuuvoq, kialuunniillu inuunera pingaaruteqartorujussuuvoq. Inuit ataqqineqarlutillu sernissorneqartussaapput. Toqumut pillaasarnerup taamaatitinneqarnissaa nunarsuatsinni inuiaqatigiit tamarmik kissaatigigaluttuinnarpaat, tamannalu uanga tapersersorluinnarpara, EU-mi ataatsimiititaliarsuup siulittaasua, Jose Manuel Barroso, peqatigalugu tusagassiortunik katersortitsinermi, Ban Ki-Moon oqarpoq.

Saddam Hussein qaammammi uani siusinnerusukkut toqumut pillagaammat Ban Ki-Moon oqarpoq, toqumut pillaasarneq nunap suulluunniit nammineq aalajangigassarigaa. Ban Ki-Moonillu taama oqarnera Europami assorsuaq mamiatsaatigineqarpoq.

Toqumulli pillaasarnerup atorunnaarsinneqavinnissaa Ban Ki-Moonip tassa tikinngilaa.