Toqumik kingunilimmik persuttaasut ujaarineqarput
Angutit taakku marluk toqumik kingunilimmik juunip 22-ani persuttaasimasutut pasineqarput.
Persuttarneqartoq angutaavoq 49-nik ukiulik, taanna Københavnimi Dalgas Apotekimi nakorsaatinik pisiniat tupassimaqisut akornanni, angutinit pineqartunit marlunnit saassunneqarpoq.
Persuttaneqartoq aqqunartiternermi kingorna sapaatip akunnera kingulleq anerningerpoq. Taamaattumik angutit taakku marluk toqumik kingunilimmik persuttaasimasutut, Københavnimi politiinit maanna ujaarineqalerput.
Ujaarineqartup aappaa tassaavoq Lucas Brian Jensen, Brianimik taagorneqartoq, 35-nik ukioqarpoq, 190 cm-erinillu angissuseqarluni, nerinnattuuvoq, naatsunik qernertunik nujaqarluni, kajortunillu iseqarluni. Københavnimi politiit oqarnerattut, kalaalerpaluttuulluni.
Ujaarineqartup aappaa Keven Sylvester Andersenimik ateqarpoq, 39-nik ukioqarluni, 185 cm-erinik angissuseqarluni, pualananilu saluttuunngilaq, tungujortunik iseqarpoq qaamasunillu naatsunik nujaqarluni.
Ujaarineqartut pillugit ilisimannittut Københavnimi politiinut saaffiginneqqullugit kajumissaarneqarput.
