Illersuisoq nutaarsiassaqartitsivimmut AFP-mut aamma oqarpoq, 27-nik ukiulimmut, Joshua Frenchimut, aamma 28-nik ukiulimmut, Tjostolv Molandimut, eqqartuussisoqaqqittariaqartoq.
Angutit taakku marluk biilimik ingerlatsisuminnik toqutsisimasutut pisuutinneqarlutik sakkutuut eqqartuussiviannit toqumut siorna eqqartuunneqarput.
Eqqartuussut sakkutuut eqqartuussiviisa qullersaannut suliarisassanngortinneqarpoq, toqumullu eqqartuussut tassani tassa atorunnaarsinneqarpoq.
Suliap ingerlanneqarnerani kukkusoqarsimanera ilaatigut pissutaatinneqarpoq.
Norgemi nunanut allanut ministereqarfimmiit oqaaseqartartoq oqarpoq, suliaq maajimi juunimilunniit aallarteqqinneqarsinnaassasoq neriuutigigitsik.