Toqqutaa suunnersoq politiit paasivaat

Kangaatsiap eqqaani angut inuusuttunnguaq toqungasoq sapaatip-akunnera kingulleq nassaarineqartoq misissorneqarmat suna toqussutigisimaneraa paasineqarpoq.
Allattoq Najaaraq Egede
decembarip 03-at 2010 13:57

Angut inuusuttoq ujaarineqareerluni toqungasoq sapaatiummat nassaarineqarpoq. Angut taanna ikinngunnilu umiatsiarlutik tallimanngormat unnuami aallaramik, Niaqornaarsuliarnissartik siunnerfigisimavaat. Apuutinngimmatali arfininngornermi ujaarineqalerput. Angutip aappaa aqaguani sissap sinaani toqungasoq nassaarineqarpoq. Aappaalu kilometererpassuarni nunakkooreersimalluni, Kangaatsiamut sapaatip ingerlanerani nammineq apuuppoq.

Toqusup timaata misissorneqarnerani paasineqarpoq ipilluni ajunaarsimasoq. Sunarpiarli pillugu umiatsiaq ajutoorsimanersoq suli paasineqanngilaq.

Politimester Bjørn Bay ilisimatitsivoq, angutit inuusuttut aalakoortillutik aallarsimasut.

- Ajutoornerup takuteqqippaa, imigassap aalakoornartulik aamma imaani angalaarneq ataatsimoortinngilluinnartariaqartut, Bjørn Bay oqarpoq.