Toqoraasoq imminut videlioliarisimavoq

apriilip 19-at 2007 06:26

USA-mi naalagaaffimmi Virginiami ataasinngormat toqoraanersuarmut tunngassutillit suli annertusiartorput. Angut 23-nik ukiulik, Virginiami ilinniarnertuunngorniarfimmi inunnik 32-nik toqutsisoq, aallaasersornermi siulliup tulliatalu akornanni nalunaaquttap akunnerisa ingerlaneranni videoliummik imminut assileriarluni oqaluttuarlunilu, poortugarujussuaq TV-qarfimmut NBC Newsimut nassiussimavaa.

Poortugaq taanna kukkusumik postnormulerneqarsimalluni NBC Newsimut ippassaq aatsaat annguppoq. Videoliarisimasamini ilaatigut ima oqarpoq:

- Ullumikkut iliuuserisariaqakkakka pinngitsoortissallugit periarfissarpassuaqaraluarpusi, taakkuli atunngilasi, aalajangerlusilu aaga akigissagiga. Taamaannaq aqqutissiuuppassinga. Poortukkamiipputtaaq assilisat allagartalersukkat, inuartoq Cho assilissat amerlanersaanni imminut assilisimavoq, illluinnarsuutinik savimmillu ilaatigut tigummilluni imminut assilisarsimalluni. Filmiliani takuneqarsinnaavoq kanngunarsagaallunilu nikanarsagaasarnini Cho-p kamassaatigigai, nassuianngilaali qanoq kanngunarsagaasarsimalluni.

Cho-p videlioliai minutsit qulit missaanni sivisussuseqarput. Malunnarpoq ataasinngormat toqoraanini sioqqullugu filmiliorsimasoq, taamaammat eqqoriarneqarsinnaavoq puuaqillalluni aattaqaqisumik iliuuseqarniarluni pilersaarutini sukumiisumik piareersaqqissaasimagai.