Timersorneq

ASSIT VIDEOLU Tonny Fiskerip kuultinnannini killitsissutigaa

Tonny Fisker inuit pinnguaataanni seeqqummerluni pissinnermi pingasunngormat ullaap tungaani kuultinnappoq.

Allattoq Thomas Munk Veirum

marsip 09-at 2016 10:14

Nutserisoq Simon Uldum -

Tonny Fiskerip ajugaanini imminut immikkut illuinnartuusoq KNR-imut ippassaq marlunngornermi oqaatigaa, Arctic Wintersimummi arfineq-marlussaanik peqataavoq tamatumuunalu Nunatsinni unammilluni.

Isikkanik-marlunnik qummut isimmeriarnermi unnukkut unammisoqarmat aamma bronzennappoq.

Aamma atuaruk Tonny Fiskerip nuannarisamini ajugaanini ilorrisimaarutigaa

Arctic Winter Games 2002-mi Nuummi ingerlanneqarmat inuit pinnguaataanni nunatsinnit kisiartaalluni peqataavoq.

Inuit pinnguaataannik unamminerit Nuussuup Timersortarfissuani ullumi pingasunngornermi ullaap tungaani ingerlaqqissapput. Pingasoqiusamik Pissinneq siulliullugu unammissutigineqassaaq, unamminerillu taakku KNR2-kkut aallakaatinneqassapput, maanali aamma malittarineqarsinnaassallutik.