Tommy Marø pillugu minissimasaq
februaarip 09-at 2007 15:38
Kalaallisut Radioaviisimi, februaarip ulluisa arfineq-aappaanni ilanngunneqartumi, mininneqarsimasoq, tassa Naalakkersuisuni ilaasortap politiinut julefrokostip kingorna angerlaateqqusimaneranut tunngasoq, ilanngutissavarput.
Pisimasut pillugit Demokraatit akissuteqaammik piumasaqarlutik allagaqarneranni, Tommy Marø Naalakkersuisut siulittaasuanut Hans Enoksenimut akissuteqarluni allannermini oqarpoq, Marie Fleischer ilisimatissimallugu aviisimi allaaserineqartumi nammineq pineqarluni. Demokraatilli allapput taama pisoqarsimanngitsoq. Tassa Tommy Marøp nassuiaatigisimanngilaa politeeqarfimmi qanorpiaq pisoqarsimanersoq. Pingasunngormat mininneqarsimasoq taamaasilluta ilanngupparput.
