Tommy Marø naalakkersuisoq nutaaq
apriilip 15-at 2005 04:54
Tommy Marø-p Jørgen Wæver Johansen Namminersornermut, Inatsisinut Aatsitassanullu naalakkersuisutut taarsertussanngorpaa, Jørgen Wæver Johansen-ip ippassaq tunuarnerata kingorna.
-Toqqarneqarnera nuannaarutigisorujussuuara, suliassarlu tunniunneqartoq pissanganartutut unammillernartutullu isigaara, Qaqortumi bogmesteriusimasoq Tommy Marø oqarpoq.
Tommy Marø pisortatigoortumik naalakkersuisutut nutaatut ivertinneqarnissaminut ullaamanna Nuummukassaaq.
Jørgen wæver Johansen Siumumi naalakkersuisuni inuusuttortaasoq, ippassaq atorfimminit tunuarpoq, naalakkersuisut siulittaasuat Hans Enoksen sivisuumik isumaqatiginngereerlugu.
