TM-62 naammagittaalliorpoq
Naammagittaalliuut Kalaallit Nunaanni Isikkamik arsaattartut Kattuffiannut apuunneqartoq TM-62-ip
K-33-imut bronzennanniulluni unammineranut tunngassuteqarpoq.
TM-62 ajuukkaluartoq dommerit arsaaffiullu killingani paarsisut linievogterit naliliipput arsaq isinngitsoq, taamaalillutik unamminerup sivitsornerani K-33 ajugaavoq.
Pisoq GBU-p siulersuiuinit ippassaq ualikkut ataatsimiissutigineqarmat aalajangiiffiunngilaq.
Nuna tamakkerlugu isikkamik arsaannermik sungiusaasoq Jens Tang Olesen ataatsimeereerlutik oqarpoq, unamminerup nalaani dommeriusup nassuiaanera iliuuseqassagaanni apeqqutaalluinnassasoq.
TM-62-ip siukkaa unamminerup nalerpiaani dommerit naliliinerat pillugu naammagittaalliorpa imaluunniit naammagittaalliunngila. Apeqqut taanna akissallugu pingaartuuvoq, taamaattumillu unamminermi dommeriusoq linievogterillu maanna nassuiaateqartussanngorput.
- Kikkulluunniit kukkusarput, taamaattumik apeqqutaassaaq pisup nalerpiaani naammagittaalliorsimanissaq, kingornaanngitsoq, Jens Tang Olesen nassuiaavoq.
